KOM MAAK ‘n zonki–donkie

Categories: Nuus

KOMPETISIE!

HOE WERK DIT?

Lekker!! Jy kry sommer dadelik iets! Met R10 inskrywing kry jy ‘n glasie met ‘n donkie figuur daarop, ‘n tee kersie en ‘n sticker nommer.

Jy vra Mamma of Pappa om die kersie aan te steek en binne-in die glasie te sit. Bring dit naby ‘n wit muur of ander ligte oppervlakte en die huppelende donkie beeld herinner jou daaraan om vir ons sendelinge te bid.

 

HOEKOM ‘n DONKIE?
Dit was mos ‘n donkie wat die Here Jesus, voor Sy kruisiging in Jerusalem ingedra het, onthou jy? Net so dra ons sendelinge die goeie nuus van Jesus uit na mense wat nog nooit van Hom gehoor het nie.

WAT KAN EK BID?
Vir die sendelinge se veiligheid en gesondheid; vir geleenthede vir hulle om die goeie boodskap van Jesus te vertel; dat hulle nie moedeloos sal word nie en dat die Here vir hulle die vrugte van hulle harde werk sal wys. Waaraan kan jy nog dink om vir hulle en hulle kinders te bid?? (Kyk ook na die Wereldimpak gebedsgids)

HOE MAAK EK ‘n ZONKI DONKIE?
Op ENIGE MANIER wat jy wil! Teken of verf, plak of bou, vorm met klei of buig draad. Watter manier jy ookal lus het maar onthou om te bid. Dit kan ‘n Zonki kop sonder lyf of ‘n Zonki kop met ‘n lyf wees. Solank Zonki net ‘n donkie is!

Inskrywings Vorm WORD

Inskrywings Vorm PDF

EN WANNEER JY KLAAR IS plak jy die sticker nommer op jou Zonki voor jy dit ingee vir ‘n kompetisie.

HOE WERK DIE KOMPETISIE?
Ons maak 2 groepe: Graad R tot Graad 3 het hulle eie kompetisie en Graad 4 tot Graad 7 maak weer ‘n ander groep uit.
Gee jou Zonki by NGK Bergsig kerkkantoor in of bring dit sommer Sondag 7 April 2019 saam kinderkerk toe om te kwalifiseer vir die kompitisie pryse! (Nie later as 7 April nie asseblief)
Op Sondag 14 April 2019 sal ALMAL se kunswerke in die saal te sien wees en sal ons ook die wenners aankondig!! Maak tog seker jy is daar!!

IS DAAR DAREM PRYSE??
Baie pryse!! Kontant 1ste pryse vir elke groep en dan ‘n hele klomp ander pryse ook.
KOMAAN MAATS! JULLE HET ‘N HELE VAKANSIE OM ‘N COOL ZONKI TE MAAK!

HIE-HO…….HIE-HO!!!!!!!
Die Algerie Sending Projekspan behou die reg voor om van hierdie kunswerke te gebruik vir toekomstige fondsinsamelings en events. Ouers en belangstellendes sal wel na afloop van die kompetisie geblokte afdrukke kan aankoop..

Vir verder inligting kan Jacques Naude by 083 630 9456 geskakel word.