Gesels Met Ons

VAKANTE POSISIE: PASTORALE HULP

ONTMOET DIE

Bergsig-span

Rudolph is sedert 2011 leraar by Bergsig Gemeente. Hy het sy voorgraadse studies by Kovsies voltooi en sy meestersgraad in missionale teologie by Maties. Hy is baie gelukkig getroud met Sanet en hulle het twee kinders, Ruben en Elné. Hy en sy gesin geniet al die avonture wat die buitelewe in George bied. Sy bedieningspassie sluit in prediking, huweliksbediening en geestelike leierskap.

Nati en sy vrou Lindie het in Julie 2021 vanaf Witrivier na George verhuis met hul vier seuns, Hendrik, Christian, Paul en Dawid.

Sy bedieninge by Bergsig fokus op Getuienis en Barmhartigheid.

Bergsig is sy derde gemeente sedert hy twintig jaar gelede tot die bediening getree het. Hy het voorheen by Dalpark Gemeente en Witrivier Gemeente bedien.

Douglas kom oorspronklik van Riversdal en het sy opleiding in Jeugbediening op Wellington voltooi. Gedurende die 8 jaar wat hy op Somerset-Wes bedien ontmoet hy sy vrou, Ninke en verwerf hy ‘n Nagraadse Onderwyssertifikaat waarna hy as Afrikaans-onderwyser op George aangestel word. In 2019 verlaat hy die onderwys om tot die bediening terug te keer en word in 2021 as diensleraar by George-Bergsig bevestig. Hy en Ninke het twee dogters, Mia en Nina. Wanneer hy nie tuis is nie, sal jy hom dalk in die berge vind met sy draftekkies aan.

Adriaan is ‘n omgee-mens vir wie die lekkerste deel van die bediening is om met mense te kuier en hul stories te hoor.

Hy is sedert 2022 deel van die Bergsig-leraarspan nadat hy en sy vrou Teresa van Boksburg na George verhuis het. Hy het aanvanklik bedien as pastorale hulpleraar. Sedert Julie 2024 bedien hy voltyds ons senior lidmate met ‘n besondere fokus op pastorale versorging aan persone ouer as 70 jaar.